Facebook
Poker
Նորություններ
Բիլիարդի փակ առաջնություն Բիլիբոմ Ակումբի անդամների միջև
Բիլիարդի փակ առաջնություն Բիլիբոմ ակումբում։ Սկիզբը՝...
Բիլիարդի փակ առաջնություն Բիլիբոմ Ակումբի անդամների միջև
Բիլիարդի փակ առաջնություն Բիլիբոմ ակումբում։ Սկիզբը՝...
FIFA 2018
Դիտեք FIFA 2018-ի խաղերը մեր ակումբում: 4 մեծ LCD հեռուստացույց ...
Լոգին`
Գաղտ.`
Չե՞ք հիշում
 
Գրանցում
ԲԻԼԻԲՈՄ քարտ
Առանց կայքի ղեկավարության նախնական համաձայնության արգելվում է նյութերի ամբողջական կամ մասնակի կրկնօրինակումը:
© 2019 "Բիլիբոմ" ակումբ
Բոլոր իրավունքները պաշտպանված են

Հարգելի այցելուներ!

Ուրախ ենք ողջունել Ձեզ Բիլիբոմ Ակումբին նվիրված կայքում: Հուսով ենք` մեր պատրաստած նյութերը Ձեզ կհետաքրքրեն, և Դուք կհյուրընկալվեք մեր ակումբում, որպեսզի համոզվեք. ԲԻԼԻԲՈՄ ակումբը արժանի է Ձեր ժամանակին և ուշադրությանը:

Ակումբը հիմնադրվել է 2005 թվականին. գտնվում է Կոմիտաս 51 հասցեում: Տեղը մեր ակումբի համար ընտրել ենք ադմինիստրատիվ շենքի 2-րդ հարկում` քաղաքի աղմուկից և փոշուց հեռու, 300 քմ տարածքի վրա:

Դուք միշտ կարող եք պատվիրել սեղան Ձեզ հարմար ժամի` զանգահարելով (010) 23 03 98:

Մենք աշխատում ենք ամեն օր, ժամը 11:00-ից մինչև վերջին այցելուն:

ԲԻԼԻԲՈՄ-ը հետաքրքիր բիլիարդ ակումբ է, և ապահովում է այն ամենը, ինչ անհրաժեշտ է բիլիարդի սիրահարներին`

  • 6 պրոֆեսիոնալ բիլիարդի սեղան` երեք 12 ֆուտանոց, մեկ 10 ֆուտանոց ընդհանուր սրահում և երկու 12 ֆուտանոց VIP սրահներում;
  • հանգիստ մթնոլորտ;
  • հարմարավետ բար` խմիչքների մեծ ընտրանիով;
  • բիլիարդ սովորելու հնարավորություն;
  • կարգավորվող ջերմաստիճան;
  • անվճար ավտոկանգառ:

Եվ սա դեռ ամենը չէ:

Մենք ընտրել ենք հանրահայտ "BILIJARDAI" ֆիրմայի սեղանները: Սա այն հազվագյուտ եվրոպական ֆիրմաներից է, որի սեղանները հավաքվում են հենց Եվրոպայում, այլ ոչ թե Չինաստանում: Այս սեղանների վրա են անցկացվում հեղինակավոր առաջնություններ. Եվրո Տուր "Brunswik Lithuanian Open", Ռուսական Պիրամիդայի աշխարհի երկրորդ առաջնություն, Best of East, Ռուսական Պիրամիդայի Եվրոպայի հինգերորդ առաջնություն և այլ միջազգային առաջնություններ:

Բոլոր պարագաները և սարքավորումները ձեռք են բերվում ստուգված ընկերություններից:

Բիլիարդի սեղանների համար նախատեսված ամենալավ սալիկներն արտադրվում են Իտալիայում` բնական քարից (արդեզիա): Այս քարը շատ ամուր է և լավ հղկվում է: Մեր սեղանների վրա հենց այս քարերից են տեղադրված:

Մեր բոլոր սեղանների վրա դրված է մահուդ` Iwan Simonis և հանրահայտ բելգիական խաղագնդեր "Aramith PREMIER": Խաղագնդերը մաքրվում են ամեն օր:

Բիլիարդի խաղաձողը առանձին թեմա է: Փայտանյութի ընտրությունն ու նախապատրաստումը, դարավոր տեխնոլոգիաները, սերնդեսերունդ փոխանցվող գաղտնիքները, գործին փիլիսոփայորեն մոտենալը, եթե կուզեք` վարպետի ընկալումը - այս ամենը թույլ է տալիս դիտարկել բիլիարդի "ճիշտ" խաղաձողը որպես արվեստի իսկական գործ: Մենք ընտրել ենք այնպիսի հանրահայտ ֆիրմաների խաղաձողեր, ինչպիսիք են` "Cuetec", "Optitec", "Porter", "Kaiser".

Ցանկության դեպքում Դուք կարող եք թողնել Ձեր խաղաձողը ակումբում: Առանձին անկյունում նախատեսված է պահոց, որտեղ բոլոր խաղաձողերը պահվում են փակի տակ: Եթե Դուք ունեք անձնական խաղաձող, կարող եք օգտվել այդ ծառայությունից: Ակումբի անդամների համար դա անվճար է:

Ակումբում գործում է "ԲԻԼԻԲՈՄ քարտ համակարգը":

Բիլիարդի պարագաների խնամքն ամենօրյա գործընթաց է: Աշխատողն իր աշխատանքային օրը սկսում է ստուգելով սեղանները, խաղաձողերը, խաղագնդերը և հարկ եղած դեպքում կարգի է բերում դրանք:

Մեր ակումբում ներդրված է համակարգչային հատուկ ծրագիր, որը պատրաստվել է մեր պատվերով: Սա ամբողջովին մեքենայացնում է մեր աշխատանքները. սեղանների բացում, փակում, ժամավճարի հաշվում, բարի պատվերների գրանցում, պահեստի հաշվարկ, աշխատողների աշխատավարձերի հաշվարկ և այլն: Սա ապահովում է արդյունավետ հսկողություն, նվազագույնի է հասցնում աշխատողների սխալվելու հավանականությունը, և ամենակարևորը` ակումբի այցելուն վճարելիս ստանում է տպված կտրոն, որում առկա է այն ամենի ցուցակը, ինչի համար նա վճարում է:

Ակումբում տեղադրված է ավտոնոմ բենզինային էլեկտրոսնուցիչ, որը հնարավորություն է տալիս չընդհատել խաղը էլեկտրամատակարարման բացակայության և հոսանքի տատանումների ժամանակ:

Մեզ մոտ միշտ ցուցադրված է թեմատիկ նկարների շարք, որը մեր կարծիքով և’ հետաքրքիր է, և’ հանգստացնող: Նկարներն անընդհատ թարմացվում են: Ակումբում ցուցադրված նկարները նաև վաճառվում են, իսկ ցանկության դեպքում կարող եք պատվիրել Ձեր ճաշակին համապատասխան:

Ակումբում տեղադրված է տեսահսկման համակարգ: Սա սկզբում խոսակցությունների և դժգոհությունների առիթ տվեց: Կարծիքներ կային, որ դա կոռեկտ չէ: Բայց մենք այդպես չենք մտածում, այլ` հակառակը: Խոսակցությունները ձայնագրվում են միայն բարի մոտ, իսկ մնացած տեսախցիկները ձայնագրում են միայն պատկերը: Մենք գնացել ենք այս ծախսերին ոչ միայն մեր անվտանգության համար: Հետագայում տեսախցիկներ կտեղադրվեն նաև ավտոկանգառում:

Ակումբում ձևավորվել է վարվեցողության որոշակի նորմեր, և հնարավոր է որոշ այցելուների արգելվի մուտք գործել ակումբ` առանց որևէ բացատրության:

Billiard Club Bilibom